Protesta në Shkodër, ndërhyjnë FNSH-të, hidhet gaz lotsjellës për të shpërndarë protestuesit.
SHKODËR
Ndërhyn policia në Shkodër. Pasi protestuesit bastisën e dogjën gjithçka gjetën, ka ardhur dhe ndërhyrja e Forcave të Ndërhyrjes së Shpejtë, të cilat kanë hedhur dhe gaz lotsjellës për të shpërndarë protestuesit.
Policia ka krijuar gardh pranë selisë së PS-së që tashmë është mbuluar nga tymi e zjarri i vendosur sendeve në rrugën përpara. Protestuesit janë larguar, duke u spostuar disa dhjetëra metra dhe kanë hyrë nëpër rrugica, ndërsa ka dhe efektivë policie të shpërndarë.