Profil ENXHI DRAPI
Ditëlindja: 20. 08. 1999
Vendlindja: Tiranë
Pasionet: Jurisprudenca
Letërsia
Aktrim
Moda
Enxhi Drapi është studente në vitin e tretë në fakultetin e drejtësisë. Është autore e romanit me titull “Diku ku dielli nuk perëndon”, redaktor i të cilit është Mujë Buçpapaj. Nga shumë personazhe me emër të letërsisë dhe gazetarisë është cilësuar si një roman i guximshëm dhe me një stil tepër të veçantë, ndër të cilat vlen të përmendet se ka një rrëfim nën petkun e një personazhi mashkull, ndërthurja me dialogun dhe po ashtu përmbajtja e disa poezive në brendësi.
Gjithashtu vlen të përmendet se libri i ka kapërcyer kufinjtë e Shqipërisë edhe pse ka vetëm dy muaj që ka dalë në treg, gjendet edhe në disa librari në Kosovë. Po ashtu ka tërhequr vëmendjen e botuesit Rexhep Hida, i cili ka shprehur dëshirën për ta patur këtë roman në stendën e shtëpisë botuese “Fan Noli” përgjatë panairit ndërkombëtar të librit që pritet të mbahet në muajin nëntor në Dubai.
Studentja e drejtësisë po ashtu ka patur rol kryesor në shfaqjen teatrale “Hipokritët ose Pacienti anglez”, shfaqje e cila është pretendente për të qënë fituese e Festivalit Teatror Universitar.
Momentalisht Enxhi është duke punuar për volumin e dytë të “Diku ku dielli nuk perëndon” dhe një volum me poezi. Autorja gjykon se shoqëria shqiptare dhe jo vetëm, ka nevojë për një botim të tillë, realist, i cili godet mentalitetin dhe dritëshkurtërsinë e individëve dhe po ashtu mund të cilësohet si një roman motivimi pasi i përket zhanerit psiko-social. Enxhi ka pasion aktrimin ku pak ditë më parë dha sprovën e parë së bashku me një grup studentësh. Ajo u fut në rol me shumë sukses çka u vu re dhe nga reagimi pozitiv i publikut. Paraqitja e saj me librin e parë, tërhoqi vëmëndjen e shumë kritikëve letrarë të cilët vlerësuan guzimin e saj për të sjellë tek lexuesit një roman të një stili krejt ndryshe ku ndërthuret aktualiteti dhe secili mund t’a gjej vehten brenda personazheve të sjellë me mjeshtëri nga autorja e re. Drapi ka qënë e ftuar në një periudhë relativisht të shkurtër në disa ekrane dhe radio por pasqyrim botimi i saj ka marrë në shumë media online me lexueshmëri të lartë. Enxhi Drapi është shembulli më i mirë i një vajze e cila “lufton” për dije dhe krijimtari cilësore! Ajo është në rrugën e mbarë!..
Përgatiti: Majlinda Rama
