Mallakastër – Vlerësojmë Luftën Nacional – Çlirimtare, heronjtë e saj si Dervish Hekali, Dino Kalenja e shumë e shume të tjerë, sikundër ju vlerësj ju që i përkujtoni e përçoni traditat nga brezi nël brez, që nga Rrapo Hekali e me radhë , ka pohuar Presidenti i Republikës Ilir Meta. Beslidhja e Poçemit do të mbetet kurora e lavdisë jo vetëm për Mallakastrën por edhe për gjithë Shqipërinë, ka pohuar Meta.
Presidenti i Republikës ka qënë i ftuar në festën e Poçemit në Mallakastër nga kryebashkiaku i saj Qerim Ismailja.
Çfarë ishte Besëlidhja e Poçemit
Rreth 2ooo burra nga fshatrat e Mallakastrës u mblodhën më 14 korrik të vitit 1943 te rrapet e fshatit Poçem dhe dhanë besën se, do të bashkohen pa asnjë ndasi në frontin e Luftës Antifashiste Nacional-Çlirimtare.
Në krye të këtij tubimi historik ishin personalitetet e kësaj lëvizjeje Mehmet Shehu, Bilbil Klosi, Rrapo Hekali etj. Prej këtij betimi djemtë dhe burrat e Mallakastrës u rreshtuan në repartet dhe njësitë partizane, duke e ndjekur pushtuesin deri në strofkullën e fundit. Mjaft prej tyre mbetën në ballin e frontit. Ndër vite me radhë që komuniteti i zonës e kremton me krenari këtë ditë të shënuar, që është futur në historikun e saj si dita e Besëlidhjes.
Ja dhe postimi i Presidentit Meta në facebook
Pas Pezës heroike, Mallakastra ishte krahina e dytë në Shqipëri që përjetoi rrethimin më ndëshkues dhe më mizor të 20 mijë trupave pushtuese në korrik 1943.
Mallakastra u dogj, por kryengritja nuk u shua. Qëndresa heroike e burrave dhe e djemve të saj, jo vetëm kaloi kufijtë e kësaj krahine, por frymëzoi të gjithë vendin në luftën për liri, duke dhënë një kontribut madhor për çlirimin e Shqipërisë.
Emrat e Heronjve të Popullit Dervish Hekali, Dino Kalenja, Ramiz Aranitasi dhe qindra dëshmorëve të cilët dhanë jetën për lirinë do të mbeten të paharruar.
