Prekëse! Shokët vendosin një tufë me lule mbi bankën bosh të Maetos
Maeto Vasiu 8-vjeçari i cili u rrëmbye dhe vra mizorisht nga Klodian Çalamani iu mungon shokëve të klasës së tretë të shkollës ” Thanas Ikonomi”, në fshatin Grecalli të Fierit. Shokët e tij të klasës kanë vendosur një tufë me trëndafila mbi bankën ku ai ulej çdo ditë dhe disa vizatime të tij. Vasiu ishte nisur për shkollë ditën e djeshme kur u rrëmbye nga Çalamani, pasi e gënjeu se do t’i bënte xhiro me biçikletë. Por pas kësaj ai e mori të miturin në shtëpinë e tij dhe e dhunoi mizorisht, derisa një goditje me lopatë i dha vdekjen e menjëhershme.
Familja e tij ka hapur dyert e mortit dhe e gjithë Shqipëria është e tronditur nga kjo ngjarje makabre e cila mund të ishte parandaluar, pasi Çalamani kishte qenë më parë në burg por ishte liruar.