Një shqiptar ka përfunduar në prangat e policisë italiane pas sherrit me gruan. Në shtëpinë e tij karabinierët gjetën një sasi kokaine dhe sende të vjedhura.
Një 30-vjeçari ka përfunduar në prangat e policisë italiane për akuzën e shpërndarjes së lëndëve narkotike, armëmbajtje pa leje dhe posedim i sendeve të vjedhura. Karabinierët shkuan në shtëpinë e shqiptarit në Ravena, pasi ky i fundit po zihej me gruan.
Pasi arritën që të qetësonin situatën, karabinierët ushtruan kontroll në shtëpinë e shqiptarit, ku gjetën 285 gr kokainë, një revolver të kalibrit 38, i cili rezultoi i vjedhur dhe një shumë prej 4440 eurosh të përfituara nga aktiviteti i paligjshëm. Sendet e gjetura u sekuestruan në cilësinë e provës materiale dhe iu dërguan prokurorit.
Shqiptari ndërkohë u arrestua dhe u dërgua në kuesturë. Pas kryerjes së procedurave ligjore, ai u transferua në burgun e Ravenas.
Burimi: Ravenna24ore.it
