Nga Arber DALMATI –
Në disa shkrime të mëparëshme “Arberia News” ka publikuar gjetjet e raportit të hartuar nga 5 inspektorë të Kontrollit të Lartë të Shtetit (KLSH), pas auditimeve që ata kanë kryer në Drejtorinë e Përgjithëshme të Policisë së Shtetit (DPPSH).
Raporti i kontrollit bën fjalë për veprimtarinë e Policisë ndër vitet 2016-2019, periudhë kjo kur në krye të drejtimit të kësaj Drejtorie ishte Haki Çako, njeriu që ende është mister se si doli pa lagur dhe nuk u pa të ishte fajtor për mbjelljen e një sipërfaqeje të konsiderueshme toke me kanabis, ndërkohë që fajësia i’u vesh veç ish ministrit të Brendshëm Saimir Tahiri, gjyqi ndaj të cilit vijon ende.
Pra, për periudhën që bën fjalë raporti i auditimit DPPSH drejtohej nga ky farë Drejtori i Përgjithshëem, që me politikën e tij të përulësisë ndaj eprorëve, përflitet se stimuloi politikën e makinacioneve, brrylave dhe shkatërrimit të strukturave të Policisë.
Krahas shifrës maramendëse prej 21.2 miliardë lekë, ose 5.25 miliardë lekë më shumë se tavani 15.97 miliardë lekë i vendosur si dysheme nga Ministria e Financës, për programin buxhetor 2019, apo të tjera shpërdorimeve që do ti sjellim në ditët pasuese, raporti i KLSH vlerëson si shkelje edhe dhenien e gradave. Që duhet kujtuar se janë vlerësues kryesor për ngritjen në funksion karriere dhe vendosjen e nivelit të pagave për përfituesit e tyre. Arsye kjo që dikton zbatimin me rigorozitet të kërkesave që dikton ligji, e që, sipas faqes 113 të raportit, del se nuk ka ndodhur.
“Punonjësit e Policisë, të cilët janë ngritur në funksion (e në vijim kanë marrë gradë më të lartë), por që nuk kanë plotësuar kriteret (vjetërsinë)”, shkruhet në fq.113 të raportit të Auditimit të KLSH. Ku më poshtë jepen identitetet e 16 përfituesve, nga të cilët 4 kanë marrë nga dy grada njëherësh. Njeri prej tyre ka mbajtur gradën K/komisar dhe ka marrë atë “Drejtues i parë” që i’a kërkonte funksioni në të cilin ishte emëruar pa e patur këtë gradë, dhe në po të tillë pozite gjendeshin edhe 15 të tjerët që nga gradat “komisar” e “nënkomisar” kanë marrë ato të “kryekomisarit” e “komisarit”. Ndër këta të fundit spikat personi me numrin rendor 3, G.N., që nga mbajtës i gradës “komisar”, ka marrë dy të tilla njëherësh, duke u konvertuar në “drejtues i parë”. (Vijon me: “Edhe gjykatat të përfshira në skandalin e gradave të Policisë”) / Arberia News.net ( Marrë nga Arbëria news.net)
