Nxehet situata politike teksa na ndajnë vetëm pak muaj nga zgjedhjet parlamentare të 2021-shit.
Kryeministri Edi Rama zgjodhi të marrë nën drejtim qarkun e vështirë të Durrësit për zgjedhjet e ardhshme teksa surpriza vjen nga PD. Newsalbania.al mëson se Basha do të garojë përballë Ramës në qytetin bregdetar.
Burime në seline blu bëjnë me dije se brenda muajit shtator kreu i PD Lulzim Basha do caktojë kreret politikë të qarqeve. Njëkohësisht, në fund të shtatorit do jenë gati rreth 200 emrat e PD për t’u vendosur në listë pasi të jenë votëbesuar në bazen demokrate, raporton newsbomb.
Ndërkohe në selinë e PD po qarkullojnë zërat se Basha mund të shkoje të drejtojë qarkun e Durrësit për t’u perballur direkt me Ramën. Durrësi është një qark i rëndësishëm për rezultatin e zgjedhjeve për shkak të ndryshimit të shpeshtë të shifrave elektorale ndaj parashikohet një betejë e fortë në qytetin bregdetar.
Mbetet për t’u parë nëse Basha do i qendrojë kësaj ideje apo do kemi ndonjë lëvizje tjetër të minutave të fundit. E sigurtë është që beteja do ishte më shumë sesa interesante nëse dy liderët do përballeshin ‘kokë më kokë’.
Hera e parë dhe e vetme kur janë përballur ka qenë gara e vitit 2011 për Bashkinë e Tiranës ku kryededmoki u shpall fitues, pavarësishit 10 votave të famshme që u kontestuan nga Rama si të vjedhura / newsalbania.al
