Zv.Ministrja e Ramës e kudo gjendur për llogari të Shefit
Zëvendës ministrja e brendshme, Romina Kuko ‘mundi’ që ditën e sotme të ishte e pranishme në dy vende, NJËKOHËSISHT.
Fillimisht ajo u shfaq në konferencën “Përpjekje të përbashkëta për të luftuar trafikimin e qënieve njerëzore në Shqipëri” e OSBE në Tiranë në të cilën morën pjesë figura të rëndësishme politike.
Më pas, ajo u pa në videon live të kryeministrit Edi Rama, në nismën “Gati për Shqipërinë”. Ky takim online me të rinjtë, u shfaq në të njëjtën orë kur në media po jepej konferenca e zhvilluar nga OSBE. Kuko shihet me dy veshje të ndryshme por me të njëjtin model flokësh. Në videon e publikuar nga Rama ajo mban shënime, ndërsa në konferencën e OSBE-së shihet me kufje duke dëgjuar.
