Dy shkolla dhe një kopësht në Tiranë, Ahmetaj firmos marrëveshjen me Katarin
Ministri Arben Ahmetaj ka firmosur sot marrëveshjen me qeverinë e Katarit, për ndërtimin e dy shkollave dhe një kopshti në Tiranë. Donacioni i qeverisë së Katarit është 5 milion dollarë.
Ahmetaj tha se me këto para do të ndërtohet shkolla 9 vjeçare “Lasgush Poradeci” dhe shkolla “15 Shtatori” në Pezë, si dhe kopshti nr.42
“Marrëveshja që nënshkruajmë sot konsiston në një kontribut në vlerë 5 milion dollarë nga qeveria e Katarit të destinuara për rindërtimin e 2 shkollave dhe 1 kopshti në Bashkinë e Tiranës. Shkolla 9-vjeçare Lasgush Poradeci dhe asaj 15 shtatorit në Pezë të madhe, çerdhes dhe kopshtit nr.42. Të gjitha shkollat që investohen nga buxheti i shtetit do të mbyllen brenda 31 dhjetorit të këtij viti. Kemi 34 zona të reja për ndërtim ndërkohë që 7 projekte janë në vijim. Programi i granteve për dëmet e lehta dhe të mesme është drejt përfundimit. Presim në fillim të tetorit hapjen e themeleve të ndërtimit të pallateve në zonat e dëmtuara. Ky proces është shembull në kohë. Në emër të qeverisë shqiptare ju falenderoj”, u shpreh ministri Ahmetaj.
