Sot është Përvjetori i Themelimit të Partisë Demokratike, Vlorë!
Është një ditë e mirë, e mbarë për qytetin tonë. Është ditëlindja e një mundësie më shumë për Liri e Dinjitet!
Partia Demokratike u themelua si Shpresë për Shqipërinë!
Sot, ajo vijon të mbetet shpresë e mbase ketu, megjithë dallgët e shakatë e hidhura të historisë që na ranë për hise, gjallon forca e saj.
Në Vlorë ne ia dimë mbase më mirë se kudo tjetër vlerën e shpresës, këtu zinxhirët e dëshpërimit kërrcasin me fort, por këtu ishin e janë burrat e gratë, që kanë forcën e shpirtit t’i këpusin ato zinxhirë në emër të lirisë e dinjitetit!
Në nderim të kësaj dite e të atyre njerëzve që i shërbyen shpresës për Liri, Dinjitet e Mirëqënie, e që u përulem emër për emër, falenderoj gjithë ata që dhanë ç’mundën, që ndenjën, që ikën, që u zhgënjyen, që vijojnë të besojnë, që lanë pjesë të jetës së tyre në Partinë Demokratike.
Gëzuar Datëlindjen PD Vlorë!