Sali Berisha i tërbuar nga takimi i Kurbinit, organizon foltore në Mirditë.
Pasi dështoi në atë çfarë ju premtoi ndjekësve të tij, dështoi ta rrëzojë Bashën dhe ta pushtojë selinë, Sali Berisha po përsërit nga fillimi foltoret, për ti sorollatur ata pak ndjekës që po i mbeten, për të dështuar edhe një herë.
I nervozuar se PD dhe Lulzim Basha po i rrëzojnën gënjeshtrën që u tha njerëzve në fillim, u tha se Bashën nuk e pret askush në bazë, ai po përsërit foltoret, po del e po thotë të njejtat turpe, të njejtat akuza bajate, të njejtat shpifje të paimagjinueshme për çdo shqiptar normal.
Sali Berisha pasi dështoi e nuk pati mbështetje nga Kryesia, Këshilli Kombëtar, Grupi Parlamentar, i PD po synon të bëhet tribun i vegjëlisë. Të manipulojë e të emocionojë njerëz të paarsimuar, fukarenj dhe të tërheqë me vete rrugacë fshatrash.
Në Mirditë, Berisha kishte në rrjeshtin e parë e të dytë, ikona të korrupsionit në të gjithë veriun. Njerëz që nuk ju plas për politikën, për shtetin, për punët publike dhe standartin e jetesës së komunitetit.
Ëndrra e këtyre njerëzve është të marrin drejtorinë e hipotekës, bordin e kullimit, kolaudimin e makinave, sepse aty ka lek për të vjedhur. E pastaj me paratë e vjedhura të zhduken, të shkojnë në kazino, në muzikë tallava e të mos ua hapin telefonin demokratëve. Kujtohuni kush janë e çfarë kanë bërë.
Sali Berisha nga lider i demokracisë, degradoi në babain e rrugaçëve katundarë. Degradoi lideri i rrugaçëve nga familjet e spiunëve të Sigurimit të Shtetit.
Berisha deklaroi se Mirdita u shtyp egër nga komunizmi. Shumë e vërtetë. Por shikoni kë mbështeti e kë veshi me pushtet Berisha në Mirditë e nga Mirdita? A mbështeti të persekutuarit? Jo, mbështeti familjet komuniste, familjet e spiunëve. Prandaj nuk ka gojë për të folur.
Shpërndaje / Share