Dy shpërthime të fuqishme kanë tronditur qytetin e Elbasanit mbrëmjen e sotme. Dosja.al ka mësuar se një predhë ka shpërthyer në zonën e njohur si ish-Kombinati Metalurgjik, duke bërë që të ndjehen dy lëkundje të forta.
Konkretisht ngjarja ka ndodhur tek furrat e Kurum. Shpërthimet e fuqishme janë ndjerë në të gjithë zonën dhe kanë përhapur panik në të gjithë qytetin e Elbasanit.
Shumë qytetarë kanë dalë jashtë banesave të frikësuar, për të parë se ku çfarë kishte ndodhur.
Ende nuk dihet nëse ka pasur të lënduar nga shpërthimi i kësaj predhe, apo dëme materiale. Forcat e policisë dhe grupi hetimor kanë mbërritur në vendin e ngjarjes.