Pagat e luftës/ Rama iu kujton gjobat bizneseve

Kryeministri Edi Rama ka njoftuar se deri më tani ka shkuar në 30 mijë numri i personave që kanë marrë pagën e luftës prej 40 mijë lekësh, ndonëse nuk ishte bërë aplikimi nga punëdhënësi.
Ai thotë se në fund lista e pagesave që do marrin pagë lufte, do të jetë publike.
“Lajm i mirë: po shkon në 30 mijë numri i pagave 40 mijë lek të derdhura në llogaritë e punonjësve që nuk e kishin marrë mbështetjen financiare të qeverisë, si pasojë e mosaplikimit nga ana e punëdhënësve
Faleminderit punëdhënësve që reaguan pozitivisht ndaj apelit tonë!
Sipas llogarive të drejtorisë së përgjithshme të tatimeve janë edhe afro 20 mijë të tjerë që duhet të paguajmë, prandaj u kujtoj punëdhënësve që s’kanë aplikuar ende se afati për ta skadon të premten, 5 qershor, në mesnatë
Kush nuk do të bëjë aplikimin për punonjësit e vet do të paguajë gjobë, ndërsa të gjithë punonjësit e lënë pa mbështetjen e punëdhënësit, nuk do të jenë vetëm! Sepse ne do t’u derdhim menjëherë 40 mijë lekët në llogarinë e tyre nga e hëna e ardhshme” D.D