Mori mbi 5000 vota, por s’ishte në listë të sigurtë, Ori Nebiaj zbulon nëse do të futet në parlament: S’ka faj Vangjel Dule, unë mund të…
Kandidatja për deputete në listën e koalicionit PD-AN në qarkun e Tiranës, Ori Nebiaj ka folur sot për zgjedhjet e 25 prillit dhe peticionin online, me anë të të cilit kërkohet futja e saj në parlament.
Kjo kërkesë për moderatoren ishte si “qershia mbi tortë”, ndërsa shprehu falenderime për të gjithë ata që e mbështetën me votën e tyre, duke i dhënë 5610 vota, por ajo ishte në vendin e 18 dhe nuk mundi të thyejë listën.
Ajo tha se nuk mund të hyjë në Parlament edhe nëse ikën Vangjel Dule, duke u shprehur se nuk faj ia për mandatin e saj dhe nuk ka përse të bjerë mbi të përgjegjësia morale.
“Peticioni online për të më çuar në parlament ishte “qershia mbi tortë”. Të gjithë më përgëzuan, ishte një ndjesi kontradiktore se teksa humbëm, të gjithë gjenin kohën dhe energjinë për të më uruar mua për rezultatin e mirë që kisha në kandidimin tim të parë.
Unë hyj në parlament vetëm nëse heq dorë një femër. Besoj se e kanë vënë re të gjithë paqartësinë e madhe për këto zgjedhje. Nuk ka ndodhur kurrë më parë dhe ka ende paqartë dhe nuk ka faj Vangjel Dule dhe nuk duhet t’i shkojë atij pesha morale. Një gjë është e vërtetë, qytetarët, ata që votojnë dhe duan të flasin me votën e tyre janë më shumë se ata që manipulojmë votën”, u shpreh Ori Nebiaj nw Top News.
