Operuan në fshehtësi atentatorin në Lac burg për dy mjekët, flet avokati: Klienti im se ka takuar kurrë Eduart Lamajn

Pas caktimit të masës arrest në burg për dy mjekët Viktor Marku dhe Besim Lama, avokati i këtij të fundit Dritan Metani, ka deklaruar për mediat se klienti i mbrojtur prej tij nuk e njeh Eduart Lamajn dhe nuk ka patur asnjëherë kontakt me të.
Nga Gjykata e Kurbinit, avokati i mjekut Besim Lala, Dritan Metani u shpreh se klienti i tij ka dhënë ndihmën e tij ashtu siç veprohet për çdo pacient tjetër.
Avokati Metani u shpreh se mjeku i mbrojtur prej tij, e ka adresuar rastin Eduart Lamajt, tek mjeku ortoped Viktor Marku, pasi Lama nuk është mjek specialist dhe si i tillë nuk mund ti jepte ndihmën e duhur.
Rasti i te plagosurit Eduart Lamaj, sipas avokatit, ka ardhur nga një pacient tjetër përmes telefonit, dhe më pas i është referuar ortopedit Viktor Marku.