Dy drejtues mjetesh janë arrestuar në Korçë pasi kanë tentuar që t’u japin ryshfet efektivëve të Policisë. Një prej të arrestuarve, 39-vjeçari me iniciale E. N, po ushtronte pa licencë shërbimin taksi dhe për të shmangur gjobën, iu ka ofruar ryshfet punonjësve të policisë.
Ndërkohë i arrestuari tjetër është 22-vjeçarin E. H, i cili në lagjen numër 17 të Korçës, është kapur duke drejtuar mjetin tip “BMW”, pa vendosur rripin e sigurimit. Për të shmangur gjobën për shkeljen, 22-vjeçari ka tentuar që të korruptojë punonjësit e policisë.
Në total gjatë kësaj jave në Korçë janë pezulluar 7 leje drejtimi, janë vendosur 39 gjoba për mosvendosje të rripit të sigurimit dhe 141 masa të tjera për përdorim celulari gjatë drejtimit të mjetit.
