Ditën e djeshme një 24 vjeçar goditi me grusht mjekun e QSUT-së, Petrit Gjorgji në ambientet e spitalit.
I riu me iniciale L. B. është arrestuar ditën e sotme nga Policia për ngjarjen, ndërsa detaje të reja janë zbardhur lidhur me shkakun që solli këtë situatë.
I kontaktuar nga albeu.com, mjeku Petrit Gjorgji ka treguar se gjithçka nisi kur një pacient me probleme me veshkat, për një moment ka rënë nga krevati.
Gjormi shpjegon se me ndihmën e kolegëve janë munduar ta ngrenë, por ai për shkak të poziiconit të pacientit e ka kapur vetëm te këmba, gjë që nuk i ka pëlqyer të afërmit që shoqëronte pacientin dhe e ka goditur nga pas mjekun.
“Kishim një pacient për veshkat. Në një moment ka rënë nga krevati dhe me ndihmën e kolegëve të tjerë kemi shkuar për ta ndihmuar. Për ta ngritur, unë e kapa jo të gjithë trupin, por nga këmbë, për shkak të pozicionit dhe e vendosëm sërish në krevat. Një i afërm, që nuk po i shërbente e pa dhe ka ardhur më ka goditur nga pas. Ndërhynë mjekët dhe infermierët. Denoncova dhe erdhi policia që e ka marrë”, thotë mjeku.
Gjorgji rrëfen më tej se ky është rast i përsëritur për të. Sipas mjekut kjo nuk mund të ndodhë me bluzat e bardha.
“Është rast i përsëritur për mua. Më ka ndodhur edhe në vitin 2004. Kjo nuk mund të ndodhë me bluzat e bardha. Unë do e ndjek çështjen, duhet të bëhet drejtësi”, u shpreh mjeku.
Drejtor
Vladimir Muçaj
Kryeredaktor
Besim Dybeli
Gazetar(e)
Valjeta Krosi
Enkelejda Troka