Një mjek nga reparti i Hematologjisë në QSUT, i prekur nga Covid ka përfunduar i intubuar. Raportohet se gjendja e mjekut A.P. 57 vjeç është rënduar ditët e fundit dhe për këtë arsye ai është futur në intubim.
Situata vijon të jetë e rënduar në vendin tonë. Ditën e sotme u raportua se 2 persona të tjerë kanë humbur jetën.
“Vijon të ketë shtrime në spitalin infektiv ku aktualisht po trajtohen 84 pacientë, 11 prej tyre janë në terapi intensive, ndërsa 2 janë të intubuar.
Pavarësisht rasteve ditore të identifikuara pozitivë, lajmi i mirë është se në 24 orët e fundit janë shëruar 54 qytetarë, duke e çuar në 1438 numrin e të shëruarve që nga fillimi i epidemisë”, thuhet në njoftimin e MSH. DdVm
