Mjeku izraelit zbulon ilaçin “magjik” ndaj koronavirusit, ka shëruar 29 nga 30 pacientë brenda 3-5 ditëve.
Vaksina shihet si mundësia e vetme për të shpëtuar nga pandemia COVID-19, por mjekët dhe shkencëtarët po përpiqen të zbulojnë edhe trajtime të tjera për virusin vdekjeprurës.
Në Qendrën Mjekësore Ichilov të Tel Avivit në Izrael kanë përfunduar me sukses provat e fazës së parë të një ilaçi që ndihmon të sëmurët rëndë me koronavirus të shërohen.
Profesori Nadir Arber ka krijuar medikamentin EXO-CD24, një ilaç që deri më tani ka shëruar 29 nga 30 personat në të cilët është provuar brenda 3-5 ditë.
“Kërkimi është i përparuar dhe i sofistikuar dhe mund të shpëtojë pacientët me koronavirus. Rezultatet e provës së fazës 1 janë të shkëlqyeradhe na japin të gjithëve besim në metodën që Arber ka hulumtuar në laboratorin e tij për shumë vite”, tha Roni Gamzu, drejtori i qendrës mjekësore Ichilev.
Ilaçi lufton citokinën, një reagim imun i mundshëm vdekjeprurës ndaj infeksionit të koronavirusit që besohet të jetë përgjegjës për pjesën më të madhe të vdekjeve nga COVID-19.