Gjykata e Kavajës ka caktuar masës e sigurisë “arrest shtëpie” për 60-vjeçarin me iniciale A.Sh, i cili akuzohet se ka ngacmuar seksualisht një 13-vjeçare në plazhin e Golemit. Mësohet se ishte prokurori i çështjes ai që kërkoi këtë masë sigurie ndërsa gjykata e la në fuqi.
Ngjarja e rëndë u raportua më 24 gusht, ku u arrestua 60-vjeçari me iniciale A.Sh. Fillimisht 60-vjeçari ngacmoi me fjalë vajzën e më pas me veprime, duke e prekur në pjesët intime. Mësohet se ai e ka joshur vajzën nëpërmjet një qeni. Kanë qenë familjarët e saj, ata që e denoncuan 60-vjeçarin në Polici.
