Nga Xhovan SHYTI –
Në emergjencën e situatës së ngërçit pa rrugëdaje politike zgjedhjet e parakohëshme parlamentare janë alternativë unike për zgjidhje, ndërkohë që nuk duhet patur asnjë dyshim se edhe nëse ato mbahen është e sigurt që Edi Rama dhe “ushtria” e batalionit të tij të “Rilindjes” do ta zhvasin edhe një mandat të tretë. Pandershmërisht, sigurisht, pa aplikimin e njën procesi që të garantojë vota të lira dhe një procesi zgjedhor të standarteve euroatlantike, por nga që ende “Rilindja” e shpikur prej tij, ka në dorë armë që nuk e lejojnë dyluftimin e ndërshëm dhe prodhimin e një rezultati real. Vërtetë sipas dëshirës së votëhedhësve.
E thenë troç, edhe këto zgjedhje të parakohëshme apo në sezon të rregullt, të cilat opozita, dhe jo vetëm, i kërkon me çdo kusht, do të prodhojnë një rezultat të manipuluar. Një rezultat që do të kundërshtohet nga humbësit e opozitës dhe do të sjellë, si deri më sot, mosnjohjen e rezultatit e pretendime të tjera të qena konsistente përgjatë votimeve të shkuara, me finale përplasjen publike të palëve dhe krizën.
Krizën këtë dashnore besnike të pandarë të klasës sonë politike, që, 30 vite pas zgjedhjeve të para pluraliste, na ka rikthyer në pikën nga ku u nisëm për rrugëtim demokratik në vitet ’90. Ku i gjithë vendi kishte veç partinë komuniste të Ramiz Alisë, që qeveriste e drejtonte me komandim të gjitha pushtetet ekzistente.
Vulën kësaj klisheje të rikthyer 30 vite më pas i’a vendosën zgjedhjet vendore të fundqershorit 2019, ku opozita e vetëpërjashtutar nga jeta politike, së bashku me më shumë se 70 % të elektoratit votues, nuk morri pjesë në to, duke ia bërë dhuratë Edi Ramës zgjerimin e hartës së qeverisjes në 100% të pushteteve vendore, duke përjashtuar veç Shkodrën.
Një hapsirë kjo që vijon dhe do të vijojë të jetë parcelë bereqeti për ti siguruar Edi Ramës edhe një mandat tjetër qeverisës, ska gjë se shumica e shqiptarëve votues nuk e dëshirojnë këtë.
Sigurisht, dobësia anemike e opozitës, mungesa e alternativave dhe e lidershipit rivalizues me Ramën etj., i japin një lloj epërsie “Rilindjes” por jo aq sa për të fituar mandatin e tretë. Gjë që Rama mund ta garantoj me kompensim e shfrytëzim të qënies së pushtetit vendor “armë bërthamore” politike plotësisht në dorën e tij.
Duke qenë e tillë, duke qenë se pushteti vendor është alternativë e pakonkurueshme në procesin e votimit, domosdoshmëria për të patur votim të lirë e fitore të merituar sjell si nëvojë imediate mbajtjen më parë të zgjedhjeve lokale dhe më pas të atyre Parlamentare. Pasi pa heqjen nga dora e “Rilindasve” të këtij pushteti dosje të tjera të mbushura me manipulime, vjedhje votash e fitore të pamerituar do të depozitohen në prokuroritë tona, duke i bërë shoqëri atyre me numër “184” dhe “339” që pataksën të hënën dhe sallën e Parlamentit Europian./ Arberia News.net
