Nga Xhovan SHYTI –
Pas një situate jo alarmuese, por të mbarsur me idenë se “Covid 19” po shuhej, ka më shumë se një javë që struktura “kompetente” të qeverisë Rama ( ISHP e komanduar nga ish kunata e kryeministrit në detyrë, me gruan e parë dhe e përvëluar për të qenë Njësh në ISHP dhe jo Dysh, siç ishte në QSUT), por dhe Ministria e Shëndetësisë së Gerta Manastirliut (që ende nuk ka dhenë një përgjigje për akuzën mediatike të qënies bashkëpronare në një kazino miliarda euroshe), sjellin për çdo ditë shifrat alarmuese. Duke e raportua nga rritja në rritje numrin e të prekurve nga viruesi që po streson popullsinë mbarëbotërore.
Janë raportime të mbarsura veç me shifra, pa identitet të prekurish, të paverifikueshme… Arsye që nga pjesa dërmuese e shqiptarëve inteligjentë vlerësohen si pjesë e një politike të inicuar nga Kryeministri, nëpërmjet tellallëve të tij, të gjendur sa në Institutin e Shëndetit Publik, apo në Ministrinë e Shëndetësisë.
Por ky tellalizim shifror ka sjellë edhe lajmin më të ri, sipas të cilit, me anën e shtimit të rasteve dhe alarmizimin e rikthimit me intensitet të “Covid 19”, Edi Rama, kërkon të justifikoj një shtyrje të gjëndjes së fatkeqësisë, duke vijuar me mbylljen shkatërruese të gjithë jetës së vendit.
Ky lajm ka nisur të përhapet nga agjencitë gojore të publikut dhe nuk dihet sa të vërtetë ka në të, por ai do të vijoj të jetë i vlefshëm përsa kohë raportimet e institucioneve “kompetente” të drejtuara nga inkopetentët, të vijojnë me numra që askush nuk ka mundësi ti verifojë edhe nga që janë klasifikuar si “sekret që cënon privacinë e individëve”.
Nejse, në një të tillë situate një gjë mbetet ta ketë në vëmendje Kryeministri: fakti që vërtetë për ta mbyllur jetën e shqiptarëve sërish mjafton një urdhër, a vendim, vërtetë që kjo i’a thjeshton detyrën Kryeministrit, që ka treguar e po tregon se nuk e ka fare idenë se si qeveriset një vend i varfër nga keqqeverisësit paraardhës të tij, por kjo nuk është rrugë “rilindjeje”.
Sepse edhe sa kohë do ti duhet të shtyjë me këtë lojë, që veç i’a shton ditët e kiametit shqiptarëve të cfilitur nga esnafi keq- qeverisës? Edhe nëse Edi Rama ka ndonjë iluzion se strategjia “shtyje ta shtyj, duke llafosur llogje Tirone”, mund të funksionojë, duke e ndihmuar ta shtyjë deri në vitin e pritshëm zgjedhor, duhet të ketë të qartë se jo drejt hapjes së negociatave me BE nuk do ta çojë Shqipërinë e shqiptarët, por është e sigurtë vidhisja në gropën e madhe të krizave, që nuk të lenë të ngrihesh aq lehtë.
Në këtë gjëndje që është katandisur vendi ka nevojë për politika që të stimulojnë hapjen sa më shpejtë dhe futjen në eficencë të ekonomisë dhe jo stimulimin e kyçjes e të futjes së parave në xhep, nga më të shkathtit e më mashtruesit.
Hape vendin Kryeministër dhe lëre lojën e madhe të mashtrimit me rikthimin e alarmit “Covid 19”, se nuk shtyhet qeverisja as me shpalljen e shtetrrethimit e as me llogjet e Tironës që nis tua shesësh shqiptarëve të paditur që në pikë të mëngjesit nga shtëpia e Surrelit. Në vend të kësaj axhende profanësh trego se di të qeverisësh vërtetë dhe jo duke u përpjekur ta shtysh javën me llogje “xhani e shpirti”, apo me dashurinë që u tregon shqiptarëve se ke për ta, por që se reflekton as në komunikimin me fjalë të vrazhda që derdh ndaj kujtdo që përpiqet të të kundërshtojë me mendje dhe jo me cinizëm të paarsyetueshëm, sikundër bën ti. / Arberia News.net
