Që diskutohet për PD nga të gjithë, të majtë e të djathtët, të larguar apo të ardhur rishtas tregon që kjo parti është aset kombëtar.
Si e tillë nuk është vetëm pronë e anëtarëve, por dhe e simpatizantëve gjithë qytetarëve.
Unë nuk mendoj se është një gabim hapja e PD, pasi interesat në ideologjinë e saj janë shumë më të mëdha për të ardhmen e të gjithëve dhe PD duhet të tregojë se është për të gjithë qytetarët dhe jo thjesht një ndërim pushteti i rradhës.
Natyrisht që PD duhet të ketë kujtesë historike për të gjithë që kanë kontribuar për të sidomos kur PD u gjend në vështirësi dhe e sulmuar nga rregjimi i bijëve të krimit komunist dhe këta duhen vlerësuar, por nuk mendoj se të gjithë ata që besojnë në rrëzimin e këtij rregjimi dhe kanë aftësi dhe personalitet të jenë të papranueshëm, por të afrohen për të dhënë kontributin e tyre qofshin ish, apo të rinj intelektualë me reputacion në shoqëri.
PD është frymë, ideologji proevropiane, në kundërshtim të plotë me prejardhjen lindore të pasardhësve të sotëm të komunizmit, dhe të mos harrojmë se si e tillë u krijua.
Nuk mund t’u pëlqejë të gjithëve ato që shpreha, por kjo është demokracia që unë në rradhë të parë jam unë, dhe pastaj i integruar më të gjithë të tjerët që biem dakort me linjat e përbashkëta që na afrojnë dhe duke u ulur për të biseduar për ato që na ndajnë.
Kemi një rregjimi për të rrëzuar dhe shumë që janë kundër hapjes kanë mbështetur kompromisin dhe me të majtët por për çudi kundër hapjes ndaj përvojës, intelektualëve dhe të rinjve me meritokraci që kanë dëshirë e integritet për të dhënë për zbatimin e programit zhvillimor të PD.
Nga ana tjetër janë dhe shumë që e përshëndesin hapjen e PD ndaj qytetarëve që e shikojnë veten dhe mendimet e tyre se u plotësohen nga PD.
Mendoj se shumë shpejt do të zhduken këto divergjenca, pasi bëhet fjalë për një ide më të madhe, të asaj ideje që Shqipëria do të rrëzojë rregjimin dhe do të vendosë demokracinë.
Edhe unë kam rezervat e mia, por nuk mendoj se një PD me kujtesë historike dhe me një ideologji e program të mirëfilltë të djathtë nuk do jetë fitore për të gjithë shqiptarët që në zgjedhjet e ardhëshme të rrëzojë këtë rregjim që na ka mbytur të gjithë dhe të çlirojë të gjitha forcat energjike e intelektuale për zhvillimin e të gjithë qytetarëve.
Ps: Xheni Fizi punon e jeton në Athinë. Ajo eshtë gazetare në profesion.
