Dilemat e Anti-KÇK-së!
Nga Vladimir Muçaj
Akti administrativ i qeverisë i njohur tashmë me akronimin Anti-KÇK, pas votimit në Parlament, ka marrë fuqi ligjore. Ndërkohë që më herët ka “zbritur”në terren! Në planin e përgjithshëm publiku pëlqen çdo nismë për të luftuar krimin, sidomos atë të organizuarin dhe horrat e qyteteve të përfshirë në krime!
Përpjekja qeveritare për t’u përballur me elementë të krimit duhet përkrahur dhe duhet mbështetur nga opinioni publik shoqëria civile dhe media! Personalisht nuk u bashkohem turmave të kritikëve për këtë aksion të nisur nga policia! Dhe pamvarësisht nga besimi, një dozë skepticizmi ende është evidente në debatin dhe tek palët publike në vend. Ky ligj mbart shumë dilema në vetvete! E para, pse me kaq vonesë kjo “ofensivë” goditëse?! E dyta, a do mundet dot policia t’i vendosë në “rresht” apo në qeli, qindra elementë të përfshirë në fushën e krimit dhe që mishërojnë bëma të bujshme kriminale!..Ata janë shumë! Ata janë të fuqishëm. Kanë burime dhe asete të shumta financiare dhe mjete të tjera mbështetëse!
Shumë emra të botës së krimit janë të lidhur me fijet e politikës! Përballë këtij realiteti sfidat dhe skepticizmi i opinionit shtohen edhe më shumë! Ky aksion me cikël të gjatë operacionesh, më së shumti i ngjan një fushate e cila më herët duhej të nisej dhe të paraprihej nga një axhendë sipërmarrjesh ligjore dhe institucionale. Përtej besimit dhe skepticizmit, për këto operacione, koha do të jetë tregues më i pagabueshëm dhe dëshmitare e suksesit apo dështimit të rezultateve të dëshiruara. Aktualisht elementëve dhe protagonistëve të krimit jetëgjatë në shkallë vendi, po u përmendet emri prej policisë dhe po përcillen nëpërmjet medias tek opinioni! Duhet thënë se qetësia atyre u është prishur këto ditë dhe kjo ngjet për herë të parë në këta 28 vite, kaq masivisht dhe konkrrtisht. Kaq është vetëm fillim, madje pak fare për të besuar nê shembjen e perandorisë së krimit..Mbretërimi i krimit në vend nuk mund të përmbyllet vetëm me bllokimin e disa automjeteve të blinduara apo vendosjen e shiriti në disa resortr të tyre! Anti-KÇK-ja deri tani është e “vogël” dhe e pamjaftueshme për të besuar se do të kemi triumfin e shtetir ligjor. Dilemat e këtij misioni në nisje janë po aq të mëdha sa vetë strukturat e krimit. Kjo bëhet edhe më evidente kur sheh se Drejtësia në këtë republikë të shembur juridike, është në gjendjen e së paqenës dhe vetëm e premtuar. Le të presim. Prova e parë dhe e adhurueshme mbetet imazhi i qelive dhe i krimit të mbyllur në to. Ndërsa ortakëria e tij dhe politikës është ende ne jetë.!..
