Nga Vladimir Muçaj:Blendi Çuçi
duhet të dorëzojë mandatin e ministrit!
Mediat raportojnë sot se djali i ministrit të rendit Bledi Çuçi është arrestuar në Itali. Është arrestuar nga autoritetet ligjzbatuese italiane si i përfshirë në grupin e kondrabandistëve të ilaçeve. Pa u zgjatur shumë dëshiroj të them qëndrimin dhe opinionin tim. Djali i Ministrit Çuçi është në moshë madhore dhe rrjedhimisht ai dhe vetëm ai mban përgjegjësi ligjore sipas kodit penal për veprën e dyshuar se ka kryer në bashkëpunim! Në planin e përgjegjësisë penale babai ministër ( Çuçi) absolutisht nuk ka asnjë ngarkesë. Babai ministër i djalit të arrestuar ka përgjegjësi morale dhe politike! Në këtë kuptim me djalë të arrestuar për kontrabandë Ministrit Çuçi ky moral i bie përtokë! I bie përtokë sepse atë që është arrestuar ai e ka familje e ka djalë pavarësisht se thuhet e ka djalë me gruan e parë! Edhe pse personalisht e vlerësoj shumë qytetarinë e Çuçit jam i një mendimi të prerë se ai duhet të dorëhiqet nga posti i ministrit të rendit! Një akt dorëheqie ia forcon qytetarinë, e kundërta ia rrëzon atë. Duke dhënë këtë opinion dhe qëndrim modest mu kujtua një histori reale në Fier e cila ka qasje tek çështja e qëndrimit moral. Një ish-drejtor policie në Qarkun Fier përveç rakisë që pinte gjithë ditën fatkeqësisht kishte dhe një problem në familje. ( Meqë ai sot nuk është në këtë post nuk po ia përmend emrin dhe për etikë) Problemin që ai kishte ma treguan dy oficerë krimesh ish-vartës të tij. Atij i ikte gruaja me ditë të tëra nga shtëpia! I ikte me të dashurin! Për ndihmë në gjetjen e gruas ish-drejtori i policisë thërriste vartësit e vet. Ata e gjenin dhe e përcillnin pa zhurmë në familjen e ish-drejtorit!! Pra këtij drejtori i ishte prishur rendi në familjen e tij! A mundej ai të mbante rend në një Qark si Fieri?! Dhe ashtu ai përfundoi periferive të vendit duke u larguar nga detyra. E solla si shembull për ta qasur tek rasti Çuçi! Zotit Ministër i është prishur rendi tek familja! Djali në dyshime të bazuara i arrestuar për kondrabandë në Itali! Me çarë motivi do drejtojë luftën e krimit dhe kondrabandës ministri?! Apo me slloganin: Bëni si them unë dhe jo si bëj unë (Djali)! Dorëheqia nuk është turp! Mosdorëheqia do ishte turp e kaluar turpit! Ndaj zoti Çuçi dorëzo ‘çelësat’ e ministrit të rendit!
