Nga Vladimir Muçaj: Aman Besa, për besë mos ik!
Marim vesh nga media se Besa Shahini ministre aktuale e arsimit do të larrgohet dhe si ministre dhe nga Shqipëria! Arsyeja sipas deklarimit të vetë ministres në detyrë qenkërka largësia nga familja dhe të afërmit e saj të cilët jetojnë në Kosovë! E çudi e madhe! Po mirë zonja Ministre unë nëse afër do të kisha këtë pyetje do ta bëja: Para se të vije në postin e majmë të të qënit në krye të arsimit a e matët largësinë Tiranë -shtëpi ( Prishtinë). Dhe pyetja tjetër do të ishte pse pikërisht tani në fund të mandatit kujtohesh se po ikën për shkakun e largësisë?!!! Zor të besohet se tani ju zonja Ministre po largoheni për të qenë afër votrës (siç thoni ju) familjare! Në këto kohë që ju shqja Besa drejtuat arsimin shqiptar vetëm drejtim nuk i dhe! Çamur dhe lëmsh e bëre arsimin që nga Vermoshi e Konispol! Dhe për të gjithë këtë katraurë arsimore shkaku nuk ishte se vëmendja jote ishte e shpërndarë midis Tiranës dhe Prishtinës! Ti u solle ashtu se nuk mund të ishe ndryshe nga ministrat e tjerë si Klosi, Ahmetaj, Gjoni, Peleshi, Lleshi &compani! Kjo ishte “arsyeja” kryesore! Zonjën Ministre, Besa që në ditën e parë të ardhjes e kam parë si një ardhje pa motiv e kuptim në këtë post shumë jetik të shoqërisë! Kryeministri ynë Ed Rama nuk dihet ku e pa dhe si e pa për t’a bërë Ministre! Megjithatë ditët rrodhën shpejt jo vetëm për Besën! Rama do bëj riformatim të kabinetit dhe Besa edhe mund të mos jetë më në krye! Por dhe nëse Kryeministri nuk i “vë”gërshërën ajo e tha se do largohet në fund të mandatit të qeverisë Rama 2! Besa duke deklaruar kështu kujtoi se dha ndonjë lajm “bomb” për publikun e gjerë! U gabua! Askujt nuk i plas se Besa ikën! Sigurisht që mend prej publikut do të mbahet! Do të mbahet mend si një ministre e cila nuk bëri asgjë për arsimin! Ajo e ka ndarë mendjen, do iki! Aman Besë, për besë mos ik!…