Kryeministri Rama na i përmendi të gjithë paraardhësit për të na thënë se nuk ka det për grekët. Populli shqiptar, trim e guximtar, ka shprehjen “prej trendafili del ferra”.
Edhe ish-ministri i Jashtëm D. Bushati tha të njëjtën gjë, se vinte nga familje me taban, por draft-marrëveshjen me ish-ministrin N. Kocias s’na e tregoi kurrë.
Nëse marrëveshja e fqinjëve me qeverinë Berisha ra në Kushtetuese. Ajo që firmosi ish-ministri L. Basha ra, e grekët pranuan të rinegocionin.
Tani, për cilën draftmarrëveshje duhet të ketë transparencë, e jo emra paraardhësish?
Se gojët e liga nuk durohen! Ato thonë se greku na bllokon Otranton, apo se Kisha Orthodokse greke në Korçë ka marrë një lloj autonomie.
S’i besoj këto derisa të shoh draftin e dakordësuar.
P.S. E çuditshme është se si këto vendet shumë demokratike kanë gjithnjë nga një armik të Popullit e Partisë kur flitet për gjëra të mëdha. Ja, mjaft të kujtojmë Wikileaks-in. Këtu, në gji të vendit tonë revolucionar, nuk shfaqen ende armiq. Veç paraardhës të shquar.
– Me këtë argument paraardhësish të shquar, a mund të themi se ministrat tanë të Jashtëm, Rama&Bushati, i shkruajnë artikujt njëri – tjetrit?!
– Po me këtë logjikë të paraardhësve, a nuk i bie që kryeministër, President e kabinet përjetë të kenë familja e heroit Adem Jashari?
Unë s’di latinisht, por di në shqip të them: mos na merr për budallenj! 🙂
Drejtor
Vladimir Muçaj
Kryeredaktor
Besim Dybeli
Gazetar(e)
Valjeta Krosi
Enkelejda Troka