Asgjë nuk është si duket në politikë, mos e haroni këtë. Ndaj, nuk duhet ngutur me reagimet në rrjetet sociale.
Ka politikë, por ka dhe gjeopolitikë…
Kam shumë kohë që them se PD duhet të fitojë popullin, dhe për këtë i duhet të bëjë një punë kolosale duke kapërcyer vetveten dhe duke gjeneruar shpresë dhe energji pozitive.
Kush shkon me idenë se pushteti do të vijë vet se populli është i mërzitur me Ramën, nuk kupton asgjë nga politika.
Fito besimin, mbështetjen dhe dashurinë e popullit dhe nuk ka bandit a kriminel që mund të qaset te kutia e votimit…
Ndërkombëtarët janë në punën e tyre. Partia Demokratike është themeluar me mbështetjen perëndimore dhe veçanërisht atë amerikane për të rrëzuar komunizmin.
Ndërsa sot ajo ka për mision ta bëjë demokracinë dhe shtetin e së drejtës funksionale, me një ekonomi të zhvilluar duke e çliruar nga thonjtë e së keqes dhe duke besuar deri në fund në vlerat më të mira perëndimore.
Herët a vonë, nëse ja ke me të drejtë të drejtës, ajo të përqafon kur ti s’e pret.
Durim dhe punë, punë dhe durim !
