Fotoja e pakuptimtë e Dua Lipës!
Dua Lipa paska hedhur një foto me Shqipërinë Etnike, dhe shqiptarët anembanë qenkan tërbuar, duke e shpërndarë, e bërë lajm gjithandej, e duke i ҫuar zemra në komente.
Tek kjo foto ka shumë probleme, dy janë kryesoret:
Në fillim Dua nuk e bën fare se e do Shqipërinë e madhe, më besoni as që i plas fare për Shqipërinë, por e bën për audiencë, sepse e di që një pjesë e shqiptarëve janë të ndjeshëm në këtë pikë.
Tani, Dua Lipa e ka bërë postimin e saj në një kohë shumë të papërshtatshme, pasi rethanat gjeopolitike tregojnë se duhet të jemi shumë të matur si shqiptarë për ҫështjet e territoreve.
Dua Lipa, nuk ja ka idenë më duket se një ndryshim i kufijve, sipas hartës që ajo ka publikuar, do e bënte gjakun deri në gju, gjak shqiptari, dhe shyqyr që nuk dëgjon kush këngëtarët për ҫështjet politike.
Së dyti:
Ah Dua Lipa, qenka në merak për Shqipërinë e madhe? Vërtetë?
Atëherë të bëhet pak merak për shqiptarët, për qytetarët shqiptarë.
Dua Lipa si artiste dhe dashamirëse e artit duhet të rë reagonte për shembjen brutale të Teatrit Kombëtar? Ah qenka politikë Teatri? Atëherë hesh dhe bëj veҫ muzikë!
Dua Lipa duhet të reagonte ndaj raporteve ndërkombëtare në gjuhën angleze, që ajo e kupton mjaft mirë, kur këto raporte flasin për Shkelje Flagrante të të Drejtave të Njeriut nga autoritetet kundrejt bashkëkombësve të Dua Lipës.
Dua Lipa duhej të fliste sa herë bashkëkombësit e saj janë tërhequr zvarrë në sheshe, e në rrugë, e janë burgosur kot, në shkelje të të Drejtave të Njeriut, që në vendin ku rri Dua janë prioritet i prioriteteve.
Dua duhet të reagojë për shkatërrimin e lumenjëve shqiptarë, dhe ta ngre zërin për një temë që mund tu shërbejë qytetarëve shqiptarë.
Dua, duhet të flasë për ikjet masive të shqiptarëve nga varfëria, dhe shpopullimin masiv të trevave shqiptare, meqenese qenka e “dashuruar” pas Shqipërisë së Madhe.
Jo, Dua nuk flet për këto, sepse këto janë politikë, dhe prishin interesa, Dua flet për një gjë që troҫ nuk e dëgjon kush dhe me këtë rast merr edhe ca like më shumë nga shqiptarët kryesisht nacionalistë!
