Kuvendi në Podogircë pas disa orë debatesh votoi mocionin e mosbesimit për qeverinë 42 të Malit të Zi, kryeministër i së cilës ishte Zdravko Krivokapiq.
Shqipëri drejto shikimin pak këtu afër, në Mal të Zi! Opozita malazese kërkoi votbesimin e Qeverisë. E provokoi dhe realizoi qëllimin e saj. Shkëlqimi i kryeministrit shqiptar për herë të parë në këtë vend zgjati shumë pak. Në fund të fundit përtej motiveve të votbesimit opozita kudo qoftë ajo këtë mision ka. Për rrëzimin e qeverisë votuan 43 deputetë, ndërsa kundër ishin 11. Gjithsej votuan 54 deputetë. Pro votuan të gjitha partitë opozitare, të udhëhequra nga Partia Demokratike e Socialistëve e Millo Gjukanoviqit dhe partitë e koalicionit të deritashëm, Lëvizja Qytetare URA dhe Civis, ndërkaq deputetët nga Fronti Demokratik, ata të Lëvizjes për ndryshime dhe deputetët e Partisë Socialiste popullore nuk ishin të pranishëm gjatë votimit.
Votimi i mocionit i hap rrugë procesit të negociatave për formimin e qeverisë së re. Mocioni i mosbesimit u iniciua nga Levizja URA, udhëheqës i së cilës është zëvendëskryeministri i deritashëm, Dritan Abazoviq. Ai tha se pas rënies së qeverisë së kryeministrit Krivokapiq do të fillojnë bisedimet për formimin e pushtetit të ri ekzekutiv dhe se janë disa opsione, duke përfshirë edhe zgjedhjet e parakoheshme.
Në seancën e kuvendit u dëgjuan akuza të rënda në adresë të deputetëve të URA-s të cilët u akuzuan për tradhëti. Për Demokratët ajo që iniciuan ata është në ”kundërshtim me verdiktin e qytetarëve të shprehur më 30 gusht të vitit 2020. Nënkryetari i URA-s, Millosh Konatar tha, se të shtunën (5.02) do të fillojnë bisedimet bilaterale për formimin e qeverisë së re, fillimisht me përfaqësuesit e shumicës, e më pas me subjektet e tjera në parlament. Konatar, numri dy i partisë së Dritan Abayoviq, u tha gazetarëve se nuk është folur se kush do të jetë mandatari i qeverisë së re, por ai do të dëshironte që në postin e kryeministrit të jetë Dritan Abazoviq.
Për deputetët e DPS –it qeveria e Krivokapiqit ka bërë ç’mos që të shkatërrojë interesat shtetërore të Malit të Zi. Gjatë momentit të votimit të mocionit ndaj qeverisë në rrugët e Podgoricës, veçanërisht pranë ndërtesës së parlamentit, vëreheshin forca të shtuara policore. Megjithëse situata duket e qetë interesimi i ekipeve televizive dhe gazetarëve ishte shumë i madh, ndaj pritet se cilët do të jenë hapat e ardhëshëm të nismetarëve të votebesimit, respektivisht të Dritan Abazoviq. Menjeherë pas rënies së qeverisë në Podgoricë dhe në disa qytete të tjera të Malit të Zi u festua me fishekzjarë dhe parrulla “e viva Montegero” (Rroftë Mali i Zi). Eshtë për tu thënë se qeveria në këtë vend të vogël me 570 mijë banorë afërsisht ra në mënyre demokratike. Kjo tregon se atje demokracia ështe funksionale dhe opozita ka peshë politike dhe institucionale. Nëse bëjmë një paralelizëm me Shqipërinë tonë del qartazi sa larg është politkbërja shqiptare dhe sa e dobët është në jetën politike parlamentare. Tek ne rotacionet ose nuk ndodhin ose kur ndodhin provokohen trazira dramatike. Kjo ndodh sepse fatkeqësisht polikbërja si e pozitës dhe opozitës shqiptare lë për të dëshiruar në shumë plane. Ne jemi në fazë demokracie dhe sistem demokracie, por kjo demokraci e shpresuar dhe dëshiruar për shqiptarët është ende rrugës. Mali i Zi një shembull për tu marrë shembull nga pozitë-opozia foshnjore SHQIPTARE!
