Pertej nje kujtese dhe apeli njerezor….!
Ne Vendlindjen tone Tropoje, prej shekujsh eshte jo vetem slogan por praktike e materializuar ne ndergjegje thenja “Miku vjen pas Zotit”!
E nisa shkrimin tim me keto fjale per tu qasur ne nje problem mjafte shqetesues dhe te ndjeshem siç eshte mirembajtja dhe kujdesi i turisteve vendas dhe te huaj, te shumte i destinacioneve turistike siç eshte Parku i Valbones. Administrata e Bashkise Tropoje ka bere maksimumin per te mbajtur te paster qytetin dhe Parkun Natyror,ne menyre qe qytetaret e kryesisht mysafiret te ndjehen rehat me pastertine ne kete perle te natyres. Tropoja ka turizem pothuajse gjithvjetor dhe vitin qe shkoi numeroi 140.000 turiste. Shume prej tyre ngrene kampingje dhe organizojne piknike familjare duke lene pas mbeturina dhe qese plastike ne ç’do ane si dhe hedhin ne Lumin Valbone lloj-lloj mbetjesh duke degraduar jo vetem estetiken qe i ka fale Zoti por dhe duke kryer nje krim ekologjik. Kjo eshte e pafaleshme dhe jo vetem mungese edukate e qyetare por veprim qe duhet ndeshkuar. Arrihet deri aty sa lihen ndezur zjarret me te cilet nxezin zgarat dhe rrezikohet edhe masivi i pyjeve. Qyetaret e Tropojes vertete jane bujare e te kujdesshem me miqte por kjo eshte e pafaleshme. Sidomos sot ne kohe Pandemie le te kujtohemi se keto viruse e kane genin e tyre edhe ne ndotjen globale. Me mijera fidane bliri e mijera lule jane mbjelle ne ç’do cep vetem per ti sherbyer qytetareve dhe turisteve ndaj eshte mekat te abuzohet. Ne zona te tilla rreptesisht te mbrojtura siç eshte Valbona kudo ne bote penalizohesh ndaj miresine e mikpritjen tone askush nuk duhet ta shperdoroje. Ne 30 vite Tropoja shenon zero incident me turistet nje rast i rralle qe duhet jete apel ne ndergjegjen e secilit vizitor. Valbona eshte jo vetem e Tropojes por nje aset natyror kombetar dhe tashme destinacion mjaft i lakmuar nderkombetar. Kete apel e bej me dhimbje sa here qe shoh grumbuj mbeturinash “turistike” dhe kanaçe e qese qe hidhen rruges se Lugines nga dritaret e makinave te vizitoreve. Nuk besoj te kete kohe me domethenese se kjo e Pandemise per te bere kete apel te dhimbshem.
