Letër drejtuar demokracisë tonë.
I nderuar “Demos”, i nderuar “Kratis”. Teksa dëgjova renditjet e bëra sot nga morrat e kuq, kuptova dhe vlerën që kishte populli dhe vota e tij. Rama si një ”babaxhan“ që është, mori në dorë Durrësin për ta administruar. Rama nuk e bëri rastësisht këtë gjë, por për ta nënshtruar dhe një herë këtë qytet. Sikur të mos mjaftonte Dako, tani do vjedhë dhe baba rama, por jo lekë sepse lekë nuk ka, por vota.
Rama foli aq me kompetenca për mandatin e tretë saqë mu duk një mesazh kërcënues ndaj popullit.
I nderuar baba Rama, boll e mbajte të ndarë “demosin” nga “kratisin”. Ti nuk mund të sundosh, koha jote skadoi.
I nderuar dhe i respektuari populli im, boll fjete, boll u varfërove, boll ndoqe vetëm fjalën demokraci, këtë demokraci të vonuar. Kuptoni rëndësinë e Demokracisë dhe sa vlerë duhet të kishit ju për të. O populli im, larg thundrrave të kuqe, por afrohuni mes veti! Sot shikoj si përpëliten plagët tuaja dhe kjo qeveri krekoset para jush dhe ju prap heshtje. Oh, sa më frikëson, kur ky popull fle! Më duket si një natë e errët pambarim.
Jo more populli im, ky pushtet nuk i përket hajnave, por ty dhe ti fle dhe fle e ske të dendur..Turp për ju që shkelët mbi gjakun e atyre që dhanë jetën për demokraci. Turp për ju që villni vrer ndaj Demokracisë.
O populli im, vallë çtë ka ndodhur që je bërë kështu?
Ku janë ato burra që mposhtën dikur komunizmin?! Vallë çfarë jeni ju?! Vallë për çfarë demokracie flasim sot?!!
Demokraci=populli sundon. Po ju vallë kë po sundoni kështu? O populli im, demokracia jeni ju dhe jo qeveria, pra ju duhet të sundoni. Nëse Rama fiton edhe këtë herë, atëherë ne nuk kemi popull, por kavje.