Refleksion mbi një dritare të re mediatike e celur rishtazi në hapësirën e internetit “newsalbania.al”
Në kohën kur e gjithë media e shkruar është e orientuar drejt versionit online në internet duke kaluar modelin e versioneve print me letër e bojë ketij realiteti nuk mund ti shpëtonte edhe miku im i vjetër gazetari më me pervoje në tregun mediatik lokal por jo vetem Vladimir Mucaj njëherazi edhe kryetari i Unionit të Gazetarëve të Shqipërisë për Qarkun Fier.
Prej pak kohësh në tregun modern (online) mediatik ka marrë jetë një iniciativë serioze për hapjen e një dritare informuese argëtuese e shumë interesante (në zhargonin e përditshëm – portal) .Fjala është pikërisht për portalin mediatik news albania.al që zuri fill menjëherë pas daljes së vendit nga pandemia .
Duhet thënë që tregu meditaik në fushën e portaleve rezulton të jetë i tejngopur , monoton i lodhshem gati-gati deri në kufijtë e banalitetit. Jo profesionalizmit dhe mungesës së korrektësisë profesionale . E pikërisht në këto rrethana portali news albania.al erdhi si nje hapësirë e re ku që në pamje të parë spikati mënyra profesionale e të servirurit të informacionit , jo e mërzitshme dhe krejtssisht inovative . Lajme të paraqitura shkurt me atë çka i duhet lexuesit dhe ndjekësve të informacionit online . Kronika në kohë reale dhe intervista personazhesh interesante . Reportazhe të veçanta në llojin e vet për nga përmbajtja lëndore ashtu edhe nga personazhet pjesëmarrës.
E njoh prej vitesh konceptuesin dhe krijuesin e këtij portali dhe për të qënë i sinqertë nuk është se kisha dyshime në mënyrën se si do i qasej ai realitetit të ri të tregut mediatik të portaleve por për hir të së vërtetës i tejkaloi pritshmëritë e mia dhe jo vetëm. Mendoj edhe të gjithë ndjekësve dhe lexuesve që mbase edhe njëherë të vetme u ka rënë rasti të hyjnë ne faqjen web apo edhe ne facebook. U ka bërë përshtypje përkushtimi , serioziteti dhe devotshmëria për të qënë deri në fund në anën e lexuesve .
E teksa shkruaj më vjen gjithmonë në mëndje një shpreheje e thënë prej Vladimirit në momentin e marjes së çmimit të karrierës “Gazetari i vitit” në Preshevë ku e hapte fjalën falenderuese me shprehjen: “ gjatë gjithë jetës sime e kam parë gazetarinë si një mision më shumë se sa një profesion “ .
Më shumë se sa ndonjë herë tjetër e shoh sot të mishëruar në këtë iniciativë të fundit ku ndjehet gjatë leximit se misioni vazhdon , misioni për të qënë në anën e lexuesve , misoni per t’iu qasur së vërtetës në një mënyrë sa më origjinale . Misionit për të zbërthyer fenomene të aktualitetit i pandikuar nga asnjë rrethanë apo individ imponues . Misioni për të qënë i lirë dhe i pavarur në pasqyrimin e realitetit.
Misioni vazhdon për Vladimir Muçaj..Urime dhe suksese!..
PS: Në respekt të vleresimit te opinionit të autorit si dhe duke e konsideruar kete vleresim nje motivim me shume per pune profesionale ne newsalbania.al ne te ardhmen vendosem t’a botojme Refleksionin duke e falenderuar njekohesisht autorin Elton Kote!
