Nuk ma ndjen fare !
Të shumtë janë shqiptarët që hiqen si patriotë të mëdhenj . Politikanët shkojnë dhe kujtojnë të rënët në luftë , ata hiqen sikur nderojnë Ismail Qemalin dhe veprën e tij paçka se atdheun e kanë shqyer, si bisha prënë e saj .
Edhe gurët po ja marrin këtij atdheu dhe po i shesin në perëndim.
Po të thuash se të gjithë qytetarët vishen kuq e zi , a thua se këta vdesin për atdheun e tyre ?!
Këta patriota që vdesin për ngjyrat kuq e zi, e kan bërë atdheun si kosh plerash,ku nga dritarja e shtëpisë së tyre e hedhin qesen me plera ! Po pse ,kështu duhet atdheu ? T’a vjedhësh , t’a plaçkitësh ,t’a shesësh , apo t’a bësh si kosh plerash ? Jo ,atdheu nuk duhet kështu!Unë nuk mbaj flamur në shtëpi ,por mbeturinat nuk i hedh nga dritarja ! Unë ,nuk e dua atdheun tim ,kur shikoj politikanë që ngrenë flamurin më 28 nëntor , dhe në krahun tjetër kushtetutën e këtij vendi e kanë bërë paçavure pavarësisht se mundohen ta mbajnë veshur si mantel, për ti hedhur hi syve turmave, vetëm e vetëm që dhe malet që i ka dhuruar natyra t’ja shqyejnë këtj vendi . Unë nuk e dua atdheun kur shikoj politikanë që shkojnë dhe nderojnë dëshmorët e atdheut dhe në krahun tjetër thonë që lufta nacionalçlirimtare ishte luftë civile . Unë nuk e dua atdheun tim kur shikoj që qytetarët e këtij vendi e ndotin këtë vend të bukur . Kur shikoj këtë katrahurë pyes veten çështë kjo dyfytyrësi e shqiptarëve të mi ? E pra, për këtë arsye nuk ma ndjenë fare të festoj festën e flamurit apo të çlirimit me gjithë respektin që kam për ata që sakrifikuan jetën për këtë vend !