PRIT,… TË TË PREK.
-Puthmë,… dashuri! – dhe dorën zgjas të të prek! Je e sheqertë? E ngurtë? Eh, …mos vallë je dhimbje që lëshohesh shpirtit të lënduar? Apo pasion që shtrateve lëngon poshtë çërçafëve për të të dashur fort?
Prit! …A prekesh ti? Mos je e ajërt që nëpër trup përplasesh me emocionin dhe kërkon të më kapësh robinjë? Nëpër zinxhirët e tu dua të endem e marrosur dhe të këlthas shtigjeve që ti më hap, veç për të të puthur ty! Ah, dashuri! Ulëras të të ndjej, të të formoj, të të gjunjëzohem, të bëhemi një… – dhe dorën zgjas të të prek. Aty je?
E formësuar në trup njerëzor eja më mbështill. më përkëdhel, më rrëmbe dashuri….Dhe unë sërish dorën zgjas të të prek!
E ëndërrt më zgjon shpirtin dhe më shëtit rrugës tënde… dhe unë ende zgjas dorën të të prek… Aty je? Je për mua?…. Rend drejt teje. Prit,..të të prek.
EDMIRA XHAFERI!
Tiranë, 05.07.2022.
