Nga Besim Dybeli
“Rahma School”, një histori suksesi në arsimin jo-publik
Tashmë ka krijuar një emër. Kjo, përgjatë një dekade, vetëmohim, përkushtim e përgjegjësi në arsimimin e edukimin e brezit të ri.”Udha” e “Rahma School” në këto 10 vite nuk ka qenë e lehtë. Ka nisur me afro 80 nxënës pa u dekurajuar apo trembur për vitet që do vijonin. Sot mjediset e kësaj shkolle private gumëzhijnë nga zërat fëminor. Jo pak, por afro 500 fëmijë e nxënës vijojnë këtu. Nis me kopshtin, vazhdon me arsimin 9-vjeçar e përfundon me ciklin e mesëm. Rezultatet gjithnjë në rritje. Kushtet akomoduese nuk krahasohen me asnjë shkollë tjetër. Kjo besohet vetëm kur e viziton këtë shkollë. Ndërkohë stafi mësimor i ndërthurur në dy breza mësimdhënësish të përzgjedhur. Kjo dekadë përkthehet si histori suksesi, që vijon nga viti në vit…
