“Rahma School”, kontribut për “Pemët e Miqësisë”
Aksioni i mbjelljes rajonale ka nxitur edhe nxënësit e shkollës Jo-Publike, “Rahma School” në Elbasan. Për dy ditë, dhjetra nxënës e mësues të kësaj shkolle janë bërë pjesë aktive e këtij aksioni. Edicioni i tretë ky i nismës rajonale “Pemët e miqësisë”. Këtë herë është arritur të dyfishohen shifrat dhe do mbillen më shumë se 800 pemë në 12 vende, si në Shqipëri, Bosnje dhe Hercegovinë, Mal të Zi, Maqedoni e Veriut, Serbi dhe Kosovë. Qëllimi mbetet përpjekjet e përbashkëta për të marrë përgjegjësi individuale dhe duke apeluar publikun për seriozitetin e ndotjes së ajrit dhe ndryshimeve klimatike. Për këtë qëllim, është e mundur të bëhet një ndryshim në nivel lokal dhe rajonal. Këtë vit “EFB” ka bashkuar forcat me “Heinrich Böll Stiftung”, “Tirana Eko forum”, Instituti i Menaxhimit Mjedisor dhe Teritorial Zenica nga Tirana, Fondacioni për Zhvillim dhe Demokraci nga Sarajeva, Let’s Do It Peja nga Peja, AirCare – Air Quality & Pollen App nga Shkupi, Ekološki Pokret Ozon dhe Organizacija KOD nga Podgorica, Protok21 nga Smedereva, Shoqata për Zhvillimin e Qytetit nga Bori dhe K-Town Group nga Kosjeriq.
Në Elbasan ishte Fondacioni i Gjelber Gjerman HBS Tirana me mbështetjen e Bashkisë Elbasan në bashkëpunim me Albgreen, AST Elbasan dhe “Rahma School”, që kontribuoi me 200 pisha ne krijimin e Murit të Gjelbër në zonën industriale( ish-Kombinati Metalurgjik).
Në kuadër të Nismës së Klubit të Gjelbër në shkollat e mesme ishin nxënësit e “Rahma School”, që iu bashkuan këtij aksioni ballkanik, që u zhvillua në të njëjtën ditë dhe në të njëjtën orë. Sipas z. Indrit Avdia, drejtues i aksionit dhe anëtar i Këshillit Bashkiak, pohon se “Shpresojmë në bashkëpunime të mëtejshme me “Rahma School”, si edhe me të gjitha shkollat e mesme në Elbasan.
Besim Dybeli
