Heshtja e natyres, gjuhe plotesuese e njeriut
Pikellimin per vete, bukurine per te tjeret. Kete do te doja ta kisha si nje ndarje fisnike te perhershme brenda njeriut dhe mes njerezve. Sepse meritohet qe ne dhimbjet njerezore dhe jeten e tille, te dominoje perhere logjika e se bukures. Triumfi i jetes eshte pamedyshje, nje nder dhuntite magjike qe vetem ndergjegjja e njeriut mund ta çmoje dhe ta mbarte.
Sot ne Pilur ishte nje dhimbje e madhe fisi. Nje dhimbje qe gjithesesi e mbart te pazakonten. Nga ato ngjarje te dhimbshme qe permes lotit te te gjalleve, duket se i meshon te rendesishmes se jetes: Ne çdo ikje njeriu, bilanci i se mires qe mbarti apo pati i ikuri ose e ikura, eshte i mire-analizuar. Kjo eshte hise dhe refleksion i fisem i bashkesise njerezore, sidomos ne ritin dhe traditen tone shqiptare.
Por, sot ne Pilur iku nje Nene e dhembshur, nje Nene qe do te mbahet mend sepse misheroi ne aktin e mbrame te ikjes, aktin sublim te vet. E beri kete per shkak te ikjes parakohe e te befte nga jeta e te birit. (A nuk e kemi ne mitin dhe antikitetin tone kombetar aktin sublim te sakrifikimit, por edhe te shelbimit te jetes nga ameshimi te Nenes per birin?!?!) Nuk eshte rastesi qe Rozafa u murros dhe gjirin jetedhenes e la ne buzen e te birit!(!) Me vdekjen, vdekjen shkeli…!!!
Sot ne Pilur, nje Nene e shtrenjte e fisit, zuri vend ne Shesh te Bale, gati nje jave pas heshtjes se papritur te zemres se te birit. Uratat paç lene Zonje e mire!!!! Tek lisat ne Shen Kolle, nje heshtje tjeter mistike u shtua, per t’u dhene ze mermerimave te shumta njerezore, te brezave qe le pas e te njerezve qe gjallojne me dashuri dhe kujtime.
Ne viset e heshtjes se lartesive, gjumi yt eshte nje triumf fisnikerie per breznite tona, te cilat edhe pse kohet dhe jetet i shperndajne neper rruzull, serish ne çastin e mbrame, tek heshtja e lisave dhe me kumbimin e shqipes, shkembejne fjale qe goja i vesh me embelsi shpirti: Te rrojne gjithe te dashurit dhe ne vatren tende, paste zjarr e flake per jete te ardhme!
Ne kete vis arberor heshtja e natyres eshte gjuha plotesuese e gjuheve te njeriut!
Pilur
20.07.2020
