“Maji, më njëzet e nëntë,
N’ Barçalla, në Mal të Shënjtë,
Ngrenë plan populli vetë:
“Të desëm për dhen’ e shtrenjtë!
Të desëm për Barçallanë!”
Fshat më fshat kartat u ndanë,
Vunë çet’ e kumandarë”…
Epika historike e Luftës Kombëtare të Vlorës, 1920 na jep një tablo informative të plotë, saqë, shpesh herë si burim i paturbulluar, bëhet hipotekë e ngjarjes historike, deri në imtësi, kuptohet, duke respektuar parimin fonetik dhe bartësit, komunitetit ç’i pëlqen.
Nderim 100 vjetorit të kësaj epopeje!
Respekt për nderuesit e Kuvendit të Barçallasë në këtë jubile të 100-t, të cilët, nga Dukati në Sotiran e bënë me makina të vogla dhe, pastaj 2 orë në këmbë, në terren malor e tepër malir nga Sotirani në Gurra të Barçallasë, te lapidari i thjeshtë i Betimit të Madh, bërë që më 03.04.1970 (askush s’kishte vënë dorë më). Atje u bë një nderim shpirti, edhe pse filloi shiu e s’pushonte. Zbritja më të poshtë zgjati 1 orë e 10 minuta, por që kërkonte respektim rigoroz të rregullave dhe normave të marshimit të gjatë në terren malor.
Shpreh mirënjohjen për fotoreportetin e përkushtuar dukatas Musa Ferunaj për jetësimin e kësaj dite!- perfundon Habazaj.
