Nëntë raste të reja me Covid 19 në Fier, shkon në 204 numri i të prekurve.
Fieri vijon të jetë në 4 qytetet me numrin e lartë të infektimeve nga koronavirusi. Sipas informacionit më të fundit të bërë të njohur për publikun nga ISHP në 24 orët e fundit janë regjistruar 9 raste të reja pozitiv me COVID 19.
Me infektimet e sotme shkon në 204 numri i të prekurve me koronavirus duke lënë edhe 12 viktima.
Rastet në fjalë janë vatra të reja infektimi, të shkaktuara nga lidhjet familjare apo shoqërore me personat e konfirmuar një ditë më parë pozitiv me COVID 19 në Fier. Megjithë ashpërsimin e masave dhe thirrjeve të vazhdueshme për të ruajtur distancimin fizik dhe masat e përcaktuara nga ISHP, Fieri mbetet problematik në zbatimin e tyre, në plazhe apo në bare si dhe në shërbimet në bare apo në njësitë e tregtimit.
