Naftëtarët e Ballshit të zhgënjyer, kompania firmos kontratat por nuk nis punën: Sot është limiti i fundit!
Punonjësit e Rafinerisë së naftës në Ballsh janë zhgënjyer përsëri nga kompania që e administron dhe duhet të paguajë naftëtarët. Pak ditë më parë, kompania nënshkroi kontratat me punonjësit dhe premtoi se rafineria do të fillonte punën dhe ata do merrnin lekët.
“Është një tallje pa fund. Unë dua të kontaktoj por ata s’më përgjigjen. Sot është limiti i fundit. Ministrja të mbajë përgjegjësi. Tha me zë dhe me figurë se rafineria do fillojë punën. Kjo është ndër ndërmarrjet më strategjike në Ballkan”, tha përfaqësuesi i naftëtarëve të Ballshit.
Ndërkohë, një tjetër naftëtar tha se sot duhet të merrnin përgjigje nga drejtuesit e kompanisë që administron Rafinerinë, ata kanë fikur celularët dhe nuk përgjigjen. Mirëpo, të zhgënjyer, punonjësit kanë thënë se sot është limiti i fundit dhe kanë kërkuar ndërhyrjen e ministres Balluku dhe institucioneve shtetërore.