Mblidhet Kryesia e PD në selinë blu, Basha nuk merr pjesë, shkon në 9 numri i kandidatëve për kryetarin e ri të PD-së.
Kryesia e Partisë Demokratike ëhstë mbledhur në selinë blu, për të vendosur për kandidatët që do të garrojnë përballë Lulzim Bashës në 13 qershor për kreun e ri të PD.
Kryetari aktual i PD-së, Lulzim Basha, nuk do të marrë pjesë në këtë mbledhje për të shmangur përplasjet me kandidatët e tjerë.
Formularin për të kandiduar për kryetar e kanë plotësuar Lulzim Basha, Agron Shehaj, Edith Harxhi, Fatbardh Kadilli dhe Ibsen Elezi dhe 4 të tjerë, emrat e të cilëve nuk janë bërë ende publikë.
Kandidatët do të kenë 12 ditë kohë për të zhvilluar fushatën në të gjithë strukturat e PD-së në rrethe, ndërkohë që 13 qershori do të jetë dita e votimit.
