‘𝐏𝐚𝐧𝐝𝐞𝐦𝐢𝐚 𝐝𝐨 𝐧𝐚 𝐬𝐡𝐨𝐪𝐞̈𝐫𝐨𝐣𝐞̈ 𝐭𝐞̈ 𝐩𝐚𝐤𝐭𝐞̈𝐧 𝐞𝐝𝐡𝐞 𝟏 𝐯𝐢𝐭 𝐞 𝐠𝐣𝐲𝐬𝐦𝐞̈’, 𝐏𝐞̈𝐥𝐥𝐮𝐦𝐛 𝐏𝐢𝐩𝐞𝐫𝐨: 𝐕𝐚𝐤𝐬𝐢𝐧𝐚 𝐣𝐨 𝐦𝐞 𝐝𝐞𝐭𝐲𝐫𝐢𝐦, 𝐩𝐨𝐫 𝐝𝐢𝐬𝐚 𝐠𝐫𝐮𝐩𝐞 𝐪𝐲𝐭𝐞𝐭𝐚𝐫𝐞̈𝐬𝐡 𝐣𝐚𝐧𝐞̈ 𝐭𝐞̈ 𝐫𝐞𝐤𝐨𝐦𝐚𝐧𝐝𝐮𝐚𝐫 𝐭𝐚 𝐛𝐞̈𝐣𝐧𝐞̈
Mjeku infeksionist Pëllumb Pipero ka deklaruar se pandemia COVID-19 do të na shoqërojë të paktën edhe për 1 vit e gjysmë.
Por sipas tij në fillim të vitit të ardhshëm pritet të ketë një vaksinë që së bashku me masat parandaluese do të mundësojnë vënien nën kontroll të koronavirusit.
Ndërkohë ai është shprehur kundër përdorimit të forcës për të vaksinuar qytetarët, por ka thënë se disa grupe qytetarësh si mjekët dhe mësuesit janë të rekomanduar ta bëjnë vaksinën.
“Masat karantinuese nuk i rekomandojmë më 14 ditë. 7 ditë janë të mjaftueshme për t’u mbrojtur. Kjo pandemi do na shoqërojë edhe së paku 1 vit e gjysëm. Besoj që në fillim të vitit që vjen do të kemi edhe një vaksinë, që do të mundësojë vënien nën kontroll më shpejt të virusit.
Vaksina është zgjidhje e qëndrueshme. Jam kundër përdorimit të forcës për të bërë vaksinën. Por disa grupe qytetarësh si mjekët apo mësuesit janë të rekomanduar që ta bëjnë. Ankthi është aleati më i madh i këtij virusi dhe përjetimi me ankth e agravon virusin”, tha ndër të tjera virusi.
