Fluturojnë, fluturojnë… Miliardat e Kol Topçiut! Oligarku që i bën xhiro me jaht ministreshës
Kol Topçiu, ndryshe i ashtuquajturi “Koli Fluturues i tenderave të Shëndetësisë”, për faktin sepse jo vetëm është një prej oligarkëve më të privilegjuar të ministres së Shëndetësisë, por sepse oligarku ynë qejfli është i apasionuar pas hedhjeve me parashutë…
Por jo vetëm kaq, sipas gojëve të liga, ministresha shëtit plazhet e jugut në jahtin e Kolit gjatë sezonit të verës. Kompania e tij, FARMA NET Albania është një prej përfitueseve më të mëdha të parave publike, në procedurat e tenderimeve me shkelje. Plot 162 tendera të përfituar nga Institucionet e Ministrisë së Shëndetësisë, me një vlerë totale prej 2.1 MILIARD LEKËSH PA TVSH.
Rreth gjysmën e kësaj shifre, përkatësisht 53 tendera, Koli e ka përfituar në shkelje duke u favorizuar si klient VIP i qeverisë. Shumica e tenderave në të cilat rezulton me flamuj të kuq, rezultojnë në shkelje për mungesë gare, konkurrence, negociim i drejtpërdrejtë, favorizues si operator i vetëm ekonomik me përjashtimin e të gjithë konkurruesve të tjerë.
Këtë radhë, Topçiu, i cili i bën paratë e shqiptarëve top me tendera qyl, i është dhënë edhe një tender tjetër me vlerë 64 MILION LEKË të vogla për blerje maskash, tender ky që ia ka dhënë Drejtoria e Spitalit Rajonal Berat me negocim të drejtpërdrejtë, ose procedura e tenderimit që shkoqur merr emrin, “miliona në dorë”.
Për 3 vite, 2015-2018, Kol Topçiut i është dhënë nga Buxheti i Shtetit transaksione me vlerë 683 MILIONË LEKË PA TVSH. Ndërsa për vitin 2019-2020, shifra e frikshme prej 6 MILIARD LEKË PA TVSH!
Në vijim do të bëjmë publikë të gjithë tenderat që ka përfituar në shkelje me ligjin Koli i Manastirliut, por si fillim le t’i hedhim një sy të shpejtë kompanisë së tij. Numrin më të madh të tenderave e ka përfituar pikërisht nga Ministria e Shëndetësisë, pasuar nga QSUT. 49.4% të tenderave të fituar i ka si përfituar si shkak i Marrëveshjes Kuadër me institucionet e Shëndetësisë, ndërsa 35.8% të tyre me procedurë të hapur.
Në vijim do të flasim për arsyet pse Koli përfiton kaq shumë tendera në shkelje dhe pse KLSH bën një sy qorr për njërin prej oligarkëve më të mëdhenj të Shëndetësisë… por kaq për sot.
