Mjeku Pëllumb Pipero ka dalë kundër vendimit të qeverisë për mbylljen e lokaleve të natës dhe ndalimin e muzikës pas orës 20:00. I ftuar në “Ora Neës”, Pipero u shpreh se virusi nuk ka fasha orari dhe lëviz me ne.
“Virusi lëviz me ne, sa kohë lëvizim në 7 ditët e javës virusi do të lëvizë me ne. Virusi nuk ka fasha orari. Unë besoj se ndalimi i funksionimeve të klubeve të natës dhe muzikës, nuk është qëllim në vetvete, por ka për objektiv frenimin e qarkullimin e virusin mes të rinjve që frekuentojnë lokalet e natës”, tha Pipero.
Më tej Pipero shtoi se klubet e natës duhet të respektojnë protokollet e sigurisë. Sipas tij, njerëzit nuk mund të kërcejnë 2 metra larg njëri-tjetrit.
“Të gjitha lokalet dhe baret, si ditën ashtu edhe natën, duhet të respektojnë protokollet e sigurisë. Nuk mund të kërcejmë 2 metra larg njëri-tjetrit”, vijoi Pipero.
Një ditë më parë qeveria vendosi mbylljen e aktivitetit të lokaleve të natës dhe lounge bareve. Vendimi u shoqërua me protesta të shumta nga artistë, pronarë dhe punëtorë të lokaleve të natës.