Tani, gjendja teknike e automjeteve mbi 3.5 ton që përdoren për transport nuk do të kontrollohet vetëm gjatë kolaudimit, por edhe rastësisht nga policia në rrugë.
Kështu parashikohet në ndryshimet e reja ligjore të publikuara sëfundmi në Fletoren Zyrtare, sipas të cilave makinat do të verifikohen gjatë kontrolleve blic nëse janë të përshtatshme për të përdorur rrugën.
Siç shkruhet në relacion, ministritë përkatëse ajo e Transporteve dhe e Brendshme e motivojnë vendimin për dy arsye; rritjen e sigurisë rrugore dhe pakësimin e ndotjes së ambienteve.
Në vendim janë përcaktuar të gjitha mjetet përkatëse dhe nisin nga ato mjete motorike me shpejtësi mbi 25 km në orë, ndërsa do të kontrollohen në rrugë të paktën 5 mjeteve që qarkullojnë në vendin tonë për çdo vit.
Mjetet që do të përzgjidhen janë ato me risk të lartë rreziku për sigurinë rrugore ose për mjedisin.
