Një 10-vjeçar, që ishte duke lëvizur me biçikletë, është përplasur nga një automjet pasditen e së premtes. Ngjarja raportohet të ketë ndodhur, të premten rreth orës 17:53, në rrugën “Kosova”, në Kamëz.
NJoftohet se drejtuesi i mjetit M.H, ka aksidentuar 10-vjeçarin O.D, i cili u dërgua në spital, dhe ndodhet nën kujdesin e mjekëve.
Mjeti dhe drejtuesi i mjetit janë në vendngjarje. Po punohet më tej për zbardhjen e ngjarjes.
Njoftimi i plotë:
Tiranë/Informacion paraprak
Më datë 26.06.2020, rreth orës 17:53, në rrugën “Kosova”, në Kamëz, mjeti me drejtues M.H, ka aksidentuar biçiklistin e mitur me iniciale O.D., 10 vjeç, i cili u dërgua në spital, dhe ndodhet nën kujdesin e mjekëve. Mjeti dhe drejtuesi i mjetit janë në vendngjarje.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.
