Ish-kryetari i bashkisë së Durrësit, Vagjush Dako është arrestuar pasditen e sotme.
“Është ekzekutuar urdhër-arresti për zotin Dako dhe po vijon ekzekutimi i urdhër-arresteve të tjera.
Agjentë të policisë po ekzekutojnë urdhër-arrestet në Durrës” deklaroi gazetarja e Report Tv, Keti Banushi.
Vangjush Dako është arrestuar me akuzën e shpërdorimit të detyrës për një leje ndërtimi të dhënë 11 vite më parë. Hetimi ka nisur rreth 1 vit më parë.
Fillimisht ka nisur për një ndërtim pa leje të bërë në Durrës, ku dyshohet se janë përfshirë shumë ish zyrtarë, mes tyre edhe Vangjush Dako.
Ende nuk dihet nëse nëntë zyrtarët e tjerë janë gjetur dhe janë arrestuar nga policia pas urdhrit të SPAK-ut.
