Një grabitje me armë ka ndodhur në periferi të Tiranës.
Ngjarja ka ndodhur në fshatin Prush, ku nga persona të armatosur dhe të maskuar është kryer një grabitje.
Nga të dhënat e para mësohet se disa persona të armatosur kanë tentuar vjedhjen e një banese, por nga familjarët është njoftuar policia.
Nga raportimet mësohet se autorët, në momentin që kanë parë makinat e policisë, kanë qëlluar me armë edhe në drejtim të policisë. Kjo e fundit i është kundërpërgjigjur autorëve po me armë.
Raportohet se nuk ka persona të plagosur.
Nga informacionet mësohet se autorët udhëtonin me një Audi të bardhë, por me targa të vjedhura. Mësohet se automjeti pasi është larguar nga vendi i ngjarjes ka marrë drejtimin për nga liqeni i Thatë.
