KUSH ËSHTË VRASËSI I 4 PERSONAVE NË DURRËS
Prokuroria e Elbasanit thotë se ka lëshuar një urdhër-arresti për autorin e dyshuar të vrasjes së Bujar Çelës, vëllait të Talo Çelës.
Autori i dyshuar i këtij krimi, sipas prokurorisë është Nuredin Dumani nga Kavaja.
E sipas të njëjtave burime, ai rezulton të jetë shpallur në kërkim për vrasjen e dy vëllezërve nga Puka, Besmir dhe Viktor Haxhia në 27 prill 2020 si dhe dy personave të tjerë në Shkozet të Durrësit, Dorjan Shkozës dhe Anxhelo Avdylit më 2 mars 2020, në të njëjtin vend, tek tregu i makinave.
Sipas hetimeve të mëparshme, Dumani është akuzuar se bashkë me Talo Çelën kanë kryer dhe 4 vrasjet në Durrës.
Më pas në mes të shtatorit Nuredin Dumani ka vrarë dhe Bujar Çelën.
Ky është varianti i policisë dhe prokurorisë deri më tani.
